ماہنامہ بچوں کی دنیا، نئی دلی کا تعارف

ماہنامہ بچوں کی دنیا، نئی دلی

آج کے اس ڈیجیٹل دور میں بھی رسائل و جرائد اور کتابوں کی اہمیت سے انکار نہیں کیا جا سکتا ہے۔ اچھے رسائل کے مطالعہ کی عادت بچوں اور بڑوں دونوں کے علم میں اضافہ اور زبان پر گرفت کو مضبوط کرنے کا سبب بنتی ہے۔

اس مختصر کالم میں ہم قارئین کے سامنے بچوں کے چند مشہور اور معیاری ماہناموں کا تعارف پیش کریں گے۔

کافی اعلی اور معیاری کاغذ، رنگوں سے بھرے ڈیزائن اوردلچسپ illustration جس میں بچوں کی طبیعت کا خاص خیال رکھا جاتا ہے۔ قیمت صرف دس روپیے اور سالانہ زر تعاون میں بیس روپیے کی مزید چھوٹ، یعنی بارہ شماروں کی قیمت صرف سو روپیے۔

“بچوں کی دنیا ماہنامہ” کے ناشر اور طابع ڈائرکٹر، قومی کونسل برائے فروغ اردو زبان، وزارت تعلیم – محکمہ اٰعلی تعلیم، حکومت ہند ہیں۔

اس ماہنامہ میں قارئین کے خطوط، بچوں کو ذہن میں رکھ کر لکھے گئے مختصراصلاحی اور تربیتی مضامین، بچوں کے قلم کاروں کے انٹرویو، بچوں کی نظمیں، کہانیاں، سائنس نامہ، صحت اطفال اور ننھے فنکار جیسے مستقل کالم ہوتے ہیں جو معلومات اور تفریح دونوں چیزیں فراہم کرتے ہیں۔

اس ماہنامے کی سب سے خاص بات یہ ہے کہ اس میں شائع ہونے والی نظمیں بڑی پیاری ہوتی ہیں۔ والدین ان نظموں کو اپنے چھوٹے بچوں کے لیے گن گنا سکتے ہیں، بچے ان نظموں کو اپنے اسکول یا سوسائٹیز کے پراگراموں میں پیش کر سکتے ہیں۔ اس میں شائع ہونے والے مضامین اور کہانیاں بھی بچوں اور بڑوں دونوں کے لیے معلومات میں اور علم میں اضافہ کا ذریعہ بنتی ہیں۔